Notas FIC

Portal estatístico para as materias das titulacións da FIC.

📊 NotasFIC é un proxecto de código aberto que ofrece unha plataforma para visualizar datos históricos de resultados dos diferentes graos da Facultade de Informática da Universidade da Coruña. O proxecto ten como obxectivo proporcionar unha ferramenta útil para estudantes e calquera persoa interesada en analizar a evolución dos resultados académicos ao longo do tempo.

Como xordeu esta idea?

ℹ️ O portal de estudos da UDC só amosa os datos dos últimos 3 cursos académicos (e ás veces nin sequera xa que están repetidos). Quen non quere revivir vellos tempos e ver como evolucionaron os resultados dos seus graos ao longo dos anos? Ademais, a información histórica é esencial para identificar tendencias, avaliar o rendemento académico e tomar decisións informadas sobre a educación superior.

❓Por outra banda, o formato no que aparecen os datos no portal de estudos dificulta a visualización áxil de preguntas que todos nos facemos, como pode ser Cal é a asignatura con menor taxa de aprobados do grao?. Actualmente habería que ir vendo a ollo ata onde alcanza cada barra verde ou mesmo calcular as porcentaxes de aprobados "a man" para todas as asignaturas do grao.

🤔 Se quixeramos comparar os diferentes graos entre si, ou mesmo comparar os resultados de cada grao ao longo dos anos, a tarefa sería aínda máis ardua. No primeiro caso, teríamos que acceder ao portal de estudos para cada grao e comparar os datos visualmente. No segundo caso, teríamos que mudar de lapela entre os anos académicos constantemente.

💡 Polo tanto, o noso proxecto trata de resolver estas limitacións proporcionando unha plataforma centralizada onde os usuarios poden acceder tanto a datos históricos que xa non están dispoñibles no portal de estudos oficial, como a datos de varias titulacións ao mesmo tempo.

Portal de estudos VS NotasFIC

Característica	Portal de estudos oficial	NotasFIC
Datos históricos	3 anos (como máximo)	Histórico completo
Comparación entre graos	Manual	A unha soa ollada
Evolución temporal dos resultados	A demasiados clicks de distancia	Gráficas moi chulas
Visualización de métricas fundamentais	Ármate de paciencia	Instantáneo e ao teu gusto

As nosas armas ⚒️

Ferramenta	Uso no proxecto
Python	Scrapping, análise de datos e API
Flask	Framework para a API
SQLAlchemy	ORM para a xestión da base de datos
BeautifulSoup	Scrapping web
HTML/CSS/JS	Frontend
Chart.js	Biblioteca para gráficos interactivos

Ao ataque!

Para empregar esta plataforma debense seguir os seguintes pasos:

1. Clonar o respositorio.

• Abre unha terminal, diríxete ao directorio que máis che guste e executa o seguinte comando:

git clone https://github.com/danielfeitopin/notas-fic.git

• Entra no proxecto.

cd notas-fic

2. Instalar dependencias.

• Crea un entorno virtual de Python (nós empregamos venv).

python3 -m venv .venv
source .venv/bin/activate # Linux
.\venv\Scripts\activate # Windows

• Descarga o indicado no arquivo requirements.txt

pip install -r requirements.txt

3. Inicia a túa aventura.

• Executa o comando:

python -m flask run --port=5000

Note

Podes indicar outro número de porto dispoñible se o prefires.

Licencia

📃 Este proxecto está licenciado baixo a GNU General Public License version 3. Pódese atopar unha copia desta licencia no arquivo LICENSE, e na carpeta LICENSES.

Permisos	Condicións	Limitacións
🟢 Uso Comercial	🔵 Revelar a fonte	🔴 Fiabilidade
🟢 Distribución	🔵 Aviso de licenza e "copyright"	🔴 Garantías
🟢 Modificación	🔵 Mesma licenza
🟢 Uso de patente	🔵 Cambios de estado
🟢 Uso privado

Táboa baseada en choosealicense.com

Por que esta licencia?

---

• Proteccións xurídicas melloradas
• Consideracións éticas
• Sostenibilidade a longo prazo

---

Dependencias empregadas e as súas licencias

---

Paquetes de terceiros:

Compoñente	Licencia

---

Limitacións do proxecto

⚠️ Aínda que estamos cheos de boas intencións, o tempo é limitado e o proxecto non é perfecto. Algunhas limitacións a ter en conta:

• Os datos históricos poden non estar completamente actualizados ou poden conter erros, xa que non están dispoñibles no portal de estudos oficial.
• Os gráficos son limitados de momento, pero esperamos que sirvan de exemplo para que outras persoas podan melloralo e adaptalo ás súas necesidades.
• Actualmente só traballamos con datos de 2 graos (GCED e GIA), a modo de exemplo.
• A visualización é fundamentalmente de datos sobre resultados de asignaturas, mais non se inclúen outros datos que poden resultar interesantes e que tamén están dispoñibles no portal de estudos.

Traballo futuro

🚀 O proxecto está en constante evolución e temos moitas ideas para mellorar e ampliar as funcionalidades. Algúns dos plans futuros inclúen:

• Incluír datos do GEI, que ten moitas máis asignaturas e máis anos académicos.
• Mellorar e ampliar os gráficos para ofrecer unha visualización máis completa e interactiva dos datos.
• Incorporar datos sobre as taxas a nivel de titulación e de centro (se pescudas polo noso código verás que xa dimos algúns pasiños nesa dirección).

Un chisquiño sobre nós

Daniel Feito (GEI + MUNICS)

Backend (scrapping) e dirección do proxecto.

Lúa Rico (GCED)

Backend (base de datos e API).

Mario Ozón (GEI)

Frontend e API.

Agradecementos

🫂Este proxecto non tería sido posible sen a colaboración de pequenas persoas anónimas que capturaron os datos do portal de estudos no momento correcto e o compartiron de xeito público no gran Arquivo de Internet. Grazas a eles, é posible (non sen traballo) recuperar estes datos históricos tan valiosos (sobre todo para os nostálxicos).

Apoia este proxecto

⭐ Se atopas que este proxecto é útil ou interesante, por favor, considera darlle unha estrela no repositorio de GitHub. O teu apoio axúdanos a mellorar e manter o proxecto!